Ата-ана мен балалар сайысы

Тақырыбы: «Отбасы-алтын діңгек»

Мақсаты: Ата-аналар мен балаларды сайысқа қатыстыра отырып, олардың отбасылық тәрбие туралы білімдерін кеңейту, тәрбиенің үздік үлгілерін насихаттау.

Ата-аналардың балабақшамен, тәрбиешімен, басқа ата-аналармен тұрақты қарым-қатынасын қалыптастыру.

Балабақша — отбасы — бала қарым-қатынастың тиімді модельдерін іздестіру.

Түрі: Ата-аналар мен балалардан құралған топтар арасындағы сайыс түрінде өтеді.

«Бар жақсылық,күллі әлемге тараған Аналардың ақ нұрынан жаралған»

Құтты болсын мерекеміз бүгінгі,Ардақты аналарға арналған.

-дей отырып қадырлі аналар,ардақты әжелер сіздерді көктеммен күлімдей           келген халықаралық әйелдер мерекесімен шын жүректен құттықтаймыз.

«Ана деп ән саламыз»

Бүгін біздің балабақшамызда «Отбасы — алтын діңгек» атты сайыс ұйымдастырылып өткелі отыр. Олай болса, бүгінгі сайысқа қатысушы аналарымызды балалармен бірге қошеметтеп ортаға шақырайық.

1-ші Аделя анасымен — Асима Сагинтаевна

2-ші Зере анасымен — Айгерім Мырзабековна

3-ші Медина анасымен — Ильмира

Шаттық шеңберіне тұру.-Лебіздерін айту.

Жүргізуші — Балалар, бүгін сендер ерекше әдемі, көңілді келіпсіңдер. Қадамдарың құтты болсын.

1 бала — Баршаларыңа сәттілік тілеймін.

1 ана — Балаларымыз саналы, тәрбиелі болуына үлес қосамыз.

2 бала — Әрқашан тату-тәтті болайық.

2 ана — Балаларымыз кішіпейілді, мейірімді болуына үлес қосамыз

3 бала — Аңсаған армандарымызға жетейік.

3 ана — Өзіміздің балаларымыздың бойында өнегелікті дарыта білейік.

Сайысқа қатысу ретін анықтау.

Тақпақтар:

Жүргізуші:

Өнерпаздар өнерін салыстырып,

Бәйге үшін терлетер шабыстырып.

Әділдікті қолдайтын баға беріп,

Жіберейік қазыларды таныстырап.

Бүгінгі сайыстың әділ бағасын беріп, жеңімпазын анықтайтын әдіқазылар алқасымен таныс болыңыздар.

1)Хасенова Айбаршын Ұлықпановна-тәрбиеші

2)Сайлау Айжан Козбагарова — ата-ана

3) Арман Өміргүл-әдіскер

Би «Көктем»

Сайыс 3 балдық жүйемен бағаланады

Жүргізуші:

Аналар бар өнерін салары анық,

Өнегелі тәлімді алған қанып.

Ал ендеше таныстырып өтейін мен,

Бөлімдерін сайыстың бөліп жарып.

Сайыс бағдарламасы бес бөлімнен тұрады:

1 бөлім — Таныстыру

2 бөлім — «Бала арманы» сән көрсету үй тапсырмасы

3 бөлім — «Отбасы тағамы»сайысы

4. бөлім — «Кілемшені әшекейлеу»  шығармашылық тапсырма сайысы.

5.бөлім –жылы лебіздер жазу

Отбасымыз келіп жетті танысуға,

Сыпырды томағасын осы дұға.

Қызып келген қырандай керілтеді,

Әдеппенен ізетпен танысуға.

Әрбір отбасы өздерін таныстырып өтеді.

1 бөлім — Таныстыру.

Жүргізуші: Әділ қазы мүшелерінен таныстыруға берген бағаларын сұрасақ.

Балалардың  тақпақтары:

Кедеймін деп қысылма,

Өнерің болса қолыңда.

Өнерлінің ырысы,

Жарқырап жатыр жолыңда — демекші ата-ана мен баланың дайындаған «Бала арманы»-сән көрсету үй тапсырмасын тамашалайық.

Ән: «Әжетайым»

Қазанда бүлк-бүлк етіп тамақ қайнап

Балалар құлын-тайдай күліп-ойнап

Дәм татып берекелі дастарханнан.

Атасы бата берсе жүзі жайнап.

  — деп, сайысымыздың 3 бөлімі — Отбасы тағамы

Кең әлемнен басын қосып бар  қазақ,

Қуанғанда балабақшада той жасап

Қонақтарға арнап сыйға тігілген

Балжігіттің киіз үйі-ай бір ғажап деп 4 бөлімі басталады

Киіз үйі-өрнектеу қазақ оюларымен

5 бөлім— «Баланың таңғы оянуы»

30-секунта кім көп жылы лебіздерін атайды

Би: «Папито»

Әділ қазы мүшелерінен жағдаяттар сайысына берген бағаларын сұрасақ.

Қорытынды сөз: 

Досы көпті жау алмайды,

Ақылы көпті дау алмайды — демекші бір-бірімізге әрқашан көмектесейік

Анасыздар, әр үйге панасыздар,

Бала десе от болып жанасыздар.

Сәтті басса ұрпағың, — мерей тасып,

Қыз күлкісін сусын қып, қанасыздар.

Жүргізуші:

Әділ қазылар мүшелері сайыстың қорытындысымен таныстырып, марапаттау рәсіміне көшейік.