Тақырып: Ұлттық құндылықтар - ұлт қазынасы

Тақырып: Ұлттық құндылықтар - ұлт қазынасы

Мақсаты: Ұлттық құндылықтар туралы мағыналы көлемде түсінік бере отырып, ойын арқылы балалардың ұлттық құндылыққа деген қызығушылығын, сана - сезімін,ынта - жігерін арттыру. Ұлттық құндылықтарымызды сақтауға тәрбиелеу.

Әдіс-тәсілдері: Әңгімелеу, түсіндіру, сұрақ-жауап, ойын.

Көрнекіліктер: фетрден жасалған кілемше, тақиялар

Ұйымдастырылған іс-әрекеттің барысы:

- Бүлдіршіндер, бүгін бізге қонақтар келіпті. Қашанда қонағын сыйлайтын халықпыз. Сондықтан бірінші қонақтарымызбен жақсылап амандасып алайық.

-Сәлеметсіздер ме!

Шаттық шеңбері:

Ал балалар тұрайық,

Үлкен шеңбер құрайық.

Шаңырақты көтеріп,

Керегені құрайық.

Уық болып иіліп,

Бір отбасы болайық.

Тәрбиеші: - Балалар бүгін көңіл - күйлерің қалай?

Бүлдіршіндер: -жақсы

(осы кезде топқа Балқия әже келеді)

-Сәлеметсіңдер ме балалар мен сендердің Балқия әжелерің боламын. Сендерді қазақ халқының ұлттық құндылықтары мен таныстырғым келеді.

Тәрбиеші: Сәлеметсіз бе, Балқия әже әрине келіңіз, төрлетіңіз.Балқия әже бүлдіршіндерімізге қазақ ұлтының құндылықтары жайлы айтып береді.

-Балқия әже -Қазақ ұлтының басқа ұлттан ерекшелендіріп тұратыны ұлттық құндылықтары. тілі, ертегілері, мақал-мәтелдері, әдет- ғұрпы, салт-санасы, мәдениеті, өнері, тағамдары, ұлттық қолөнері, тұрмыстық бұйымдары, ұлттық ойындары, т.б. өзгелерге ұқсамайтын қасиеттері. Ұлттық құндылықтарды әр ұлттың ата-бабалары өздерінің өмір сүру салтына байланысты шығарып, пайдаланып, дамытып ұрпақтарына мұра етіп қалдырып отырған. Оны әр ұлттың ұрпақтары сақтап, заманына қарай дамытып отырулары керек.

-Балқия әже -ойын арқылы ұлттық құндылықтарды, көрсету, түсіндіру. Бүлдіршіндерге ұлтмыздың құндылықтарын әрі қарай түсіндіру дидактикалық ойындар ойнату.

Балқия әже: (сандықтың ішінде) Мен сендерге қолымда тапсырмалар әкелдім, берілген сол тапсырмаларды кезекпен орындайық.

Балқия әже: Мақал-мәтелдер

Дидактикалық ойындар:

І-ойын: (жеке жұмыс)

1.«Асықтарды санайық» ойын.

Шарты: асықтарды өсу ретімен қою. 1-5ке дейінгі сандарды ретімен орналастыру.

2.«Асықтар пирамидасы» ойын.

Шарты: Асықтардың көлеміне және түсіне қарай дұрыс сәйкестендіру (үлкен, орташа, кіші)

ІІ -ойын: (жеке жұмыс)

1.«Оюдың жартысын тап»

2.«Асықтың жартысын тап»

Шарты: балалар алдына берілген түрлі асықтар мен оюлардың жартысын табу.

III-ойын (жеке жұмыс)

1. «Асықтарды оюлардың түстеріне қарай сәйкестендір

Шарты: 1.Бүлдіршіндердің алдына түрлі-түсті оюлы шеңбер беріледі, сол ою түсіне қарай асықтарды орналастырады.

IY-ойын. (топтық жұмыс)

«Пішіндерді асық түстеріне қарай дұрыс орналастыр»

Шарты: Пішіндерді, асық түстерсіне қарай орналастыру.

Сергіту сәті: Ойын: «Секірмек» кубик әдісі арқылы

Шарты: Кубикте оюлар бейнеленген, кубикті лақтырғанда түскен ою бойынша балалар секіреді, түсіне сәйкес тақия таңдайды.

Y -ойын (жеке жұмыс)

«Қоржын баулау» ойын

Шарты: бүлдіршіндер қоржынға бау өткізу, ұсақ қол моторикасын дамыту

Қорытынды: Ұйымдастырылған іс-әрекетіміз сендерге ұнады ма?

-Сендер не жасадыңдар?

Балқия әже: Менің де кететін уақытым болды, «Ұлттық құндылықтарымыз-ұлт қазынасы екенін» ұмытпаңыздар» бүлдіршіндер! Сау болыңдар!

Тәрбиеші: Ұстаз- шәкірт жанының бағбаны,

Әрбір бала-жарқыраған шамшырақ.

Оны жаға білген ұстаз ғана ұтады,

Жер бетінде мекен еткен адамзаттың бір бұтағы - деп келген қонақтармен

қоштаспаймыз, келесі кездескенше дейміз.