Дене шынықтыру сабағынан ашық ұйымдастырылған оқу қызметі "Ақ желкен"тобы (аралас жас)

Білім беру саласы: «Денсаулық»

Бөлімі: «Дене шынықтыру»

Тақырыбы: Бір орыннан ұзындыққа секіру.

Мақсаты: 1. Бір орыннан ұзындыққа секіруге жаттықтыру.

2.Тепе-теңдікті сақтау және бағдарлай білу біліктерін дамыту.

3.Еңбектеуге және арқан немесе гимнастикалық қабырғада өрмелеуге үйрету; гимнастикалық орындық үстінде жүруді бекіту.

Құрал жабдықтары: әрбір балаға 2 қарағай бүршіктері , 1- 2 гимнастикалық қабырға , 2 баған , жіп немесе таяқша , ойынға арналған кішкентай шығыршық.

Іс-әрекет кезеңдері

Тәрбиешінің әрекеті

Балалардың әрекеті

Мотивациялық-қозғаушылық

1.Жүруді шашырап жүгірумен алмастыруды түсіндіру.

2. Педагогтің белгі беруі бойынша қысқа және терең дем жасап бір қатар тізбекпен жүру.

Қолдар әртүрлі қалыпта болады.

Ұйымдастыру-

іздестіру

1.Қарағай бүршіктерімен орындалатын ЖДЖ:

Б.қ.: негізгі тұрыс. Екі жаққа созылған қолдардв жоғары көтеру-қолдарды түсіру.

Б.қ.: қолды кеуде тұсында бүгіп ұстап, етпетінен жату.Қолдарын алға созып, қарағай бүршіктерін педагогке көрсету; алға тік қарап , қарағай бүршіктерін иыққа қою. Дененің жоғары бөлігін қатты имеуге тырысу керек.

Б.қ.: қолды екі жанға қойып, шалқадан жату. Қол мен аяқты бір уақытта көтеру , қолды тобыққа тигізу, б.қ. оралу.

Б.қ.: негізгі тұрыс. Қарағай бүршіктерін ұстап, бір орында тұрып секіру. Баяу жүру.

2.Еңбектеп жүру және доғаның астынан өту.

3. Бір орында тұрып ұзындыққа секіру.Педагог секіру әдістерін көрсетіп , түсіндіріп , секіре алмаған балаларға көмектеседі.

4. Гимнастикалық орындық үстінде кедергілерден (текшелерден) аттап жүру (түсіндіру, көрсету).

5. «Мысық пен торғайлар» қимыл қозғалыс ойыны.

Шарты: «Мысық» залдың шетінде ұйықтап жатады. «Торғайлар» зал ішінде дән шоқып , секектеп жүреді.Педагогтің белгісі бойынша «мысық» оянып, «торғайларды» ұстайды.

Жаттығуларды педагогпен бірге орындайды.

Әрбір жаттығуды 6-8 рет қайталайды.

Балалар жаттығуды бірінен кейін бірі 2-3 реттен орындайды.

Еңбектеу және доғаның астынан өту кезінде бір-біріне кедергі жасамау керек.

Әрбір бала ұзындыққа 2-3 реттен секіреді.

Педагогтің нұсқауы бойынша тапсырманы орындайды.

Ойын бірнеше мәрте ойналады.

Рефлексифті- түзетушілік

Еденде жатқан жіптің үстімен қалай жүру керектігін түсіндіреді, көрсетеді.

Педагогтің артынан еденде ирелеңдеп жатқан жіптің үстімен жүру.

Күтілетін нәтиже:

Орындайды: Бір орыннан ұзындыққа секіру;

түсінеді: тепе-теңдікті сақтап жүруді және кеңістікті бағдарлауды;

Қолданады: гимнастикалық орындық үстінде жүруді.