«Мамандықтың бәрі жақсы! »

Білім беру саласы: Таным
Бөлімі: Қоршаған ортамен таныстыру
Тақырыбы: «Мамандықтың бәрі жақсы!» 
Мақсаттары:
1. Білімділік: Балаларға күнделікті кезігетін мамандық иелері туралы мағлұмат беру, мамандықтарға деген қызығушылықтарын арттыру.
Сюжетті - рөлді ойындарды пайдалану арқылы әр мамандықтың қыр - сырын ашу.
«Мен өскенде кім боламын?» деген сұраққа жауап алу арқылы балалардың ой - қиялдарын дамыту.
2. Дамытушылық:  жұмбақ шешуге, ойлау, сөйлеу қабілетін дамыту.
3. Тәрбиелік: Балалардың қызығушылықтарын арттыру, үлкендердің еңбегін бағалап, құрметтеуге тәрбиелеу.
Әдіс - тәсілдері: Әңгімелеу, түсіндіру, жұмбақ жасыру, сергіту сәті, дидактикалық ойын, ғажайып сәт.
Сөздік жұмыс: Мамандық - профессия
Көрнекіліктер: тақырыптың суреттері, мамандық иелерінің құралдары , ойынға қажетті заттар мен суреттер,трубочка ,фонарик , сиқырлы қорап.

Балалар шеңберге тұрып, «Күн» атты шаттық шеңберін жасап, бір - біріне жылы лебіздерін білдіреді.
 

Тәрбиеші:

-Балалар, таза ауада тұрғандай елестетейік.
- Балалар айналаның бәрі қандай?

- Ауа - райы қандай?
- Қардың түсі қандай?
- Сол  қарды  кім  күрейді бізге  жол ашып  береді?

-Дұрыс  таптыңдар,  ол  балабақша  ауласын  жинаушысы .
Балалар, бүгінгі ашық оқу іс - әрекетіміздің тақырыбы «Мамандықтың бәрі жақсы» деп аталады.
Біз бүгін мамандық иелері туралы өтеміз.
Барлық мамандар өмірде өте қажет екен. Балалар сендер балабақшада күнде қандай мамандық иелерімен
кездесесіңдер? (Балалардың  жауаптары)
- Балалар біреу есік қағатын сияқты?
(Почташы келеді де хат пен  қорап  әкеледі)

Почташы  бізге  хат  пен  қорапша  алып  келіпті  ғой.
Почташы беріп кеткен хат бойынша жұмбақ жасырайын:

Мектептің жүрегі,
Білімнің тірегі.
(Мұғалім)

-  Енді келесі жұмбақты жасырайын:
Сауықтырар сырқатты,
Жылы үнмен тіл қатты. (Дәрігер)

Тағы жұмбақ:
Тікті әсем киімді,
Дүкенге әкеп ілінді.
(Тігінші)

- Ал балалар соңғы жұмбақ:
Қалпағы ақ қарасаң,
Дәрiгер емес, бiрақ ол.
Дәм мәзiрiн қаласаң,
Алға ұсынып тұрады ол. (Аспаз)

Қораптың  ішінде  тағы  не  бар  екенің  көрейікші.

Дидактикалық ойын: « Мамандық иесің тауып  ал»

Шарты :бір бала  шығып  қалаған  мамандықтың  іс-қимылын  көрсетеді  ал  қалған  балалар  сол  мамандықтың  иесің  тауып   атау  керек.Дұрыс  тапқан  бала  ойынды  жалғастырады.
Дидактикалық ойын: «Мамандық иелерінің құралдары»
Шарты: Әр мамандық иесіне тән құралды тауып, орналастыру.

Сергіту  сәті.
- Рахмет. Олай болса біз де бойымызды сергітіп дәрігер –массажист  болып,бір-бірімізге  массаж жасайық.(балалар  шеңбер  бойымен  отырып  бір-бірінің  арқасына    массаж істейді)

Дидактикалық ойын: «Пішіннің  жолын тап» «Мамандық иелері үйдің   нешінші   қабатында   тұрады?»

Шарты:бала пішіндер бар  текшені  жерге  тастап  түскен  пішіннің  жолымен  жүріп  өтуі   тиіс   және  де  конвертте  фонариктің  жарығы  арқылы   жасырынған  мамандық иесің  тауып  құралдар  арқылы  нешінші   қабатта  тұратының  айтуы  тиіс .

 Тәрбиеші:
- Балалар  сендер көптеген мамандық иелерінің еңбегімен таныстыңдар. Енді өздерің де өскенде кім болғыларың келетінін айтатын кез келді.
(Балалардың жауаптары тыңдалады.)

-Балалар осындай мамандық иесі болу үшін білімді, тәрбиелі болып ер жетуіміз керек.

Тыныс  алу  жаттығуы:

-Енді  балалар  ,бізге  аспазшы  пицца  беріп  жіберіпті   бірақ ол  ыстық екен не  істейміз ?Дұрыс  айтасыңдар , әрине  ұрлеп  суытамыз.(балалар трубочка  арқылы пиццаны  суытады)

Қорытынды:  «Дұрыс  пе    әлде   бұрыс пе ?»дидактикалық  ойыны.

 1) Дүкенші  балаларды  емдейді  (балалар аяқтармен  топылдатады )

2 ) Аспазшы  ас  әзірлейді  (балалар  шапалақтайды

 3)Дәрігер  өртті  сөндіреді   (аяқтармен  топылдатады)

 4)Суретші сурет  салады   (балалар  шапалақтайды )

5)Құрылысшы балаларға  би  үйретеді  (аяқтармен  топылдатады)

6)Ұстаз    балаларға    әріптер   үйретеді  (балалар  шапалақтайды )

Балаларды мақтап - мадақтау.

Күтілетін нәтиже:
Білу керек:сандарды  және  де  пішіндерді   білуі керек.
Болу керек: Әр түрлі мамандық иелері туралы мағлұматы болуы керек.
Істей білу керек: «Мен өскенде кім боламын?» деген сұраққа жауап бере білуі керек .